మహేష్- రాజమౌళి సినిమా సెట్స్ పైకి వెళ్ళేది అప్పుడే - విజయేంద్ర ప్రసాద్
cinema | Suryaa Desk | Published : Tue, May 10, 2022, 12:18 PM
ఆర్ ఆర్ ఆర్ తర్వాత దర్శకధీరుడు రాజమౌళి టాలీవుడ్ సూపర్ స్టార్ మహేష్ బాబు తో సినిమా చేయనున్నాడన్న విషయం తెలిసిందే. ఆర్ ఆర్ ఆర్ ప్రొమోషన్స్ సమయం లో రాజమౌళి మహేష్ సినిమా గురించి మాట్లాడుతూ... ఈ సినిమాలో మహేష్ సోలోగానే నటిస్తాడని, మల్టీస్టారర్ కాదనీ, బాహుబలి, ఆర్ ఆర్ ఆర్ లకు మించి ఉంటుందని చెప్పి ఈ సినిమాపై అంచనాలను పెంచేసాడు. అయితే వీరి ప్రాజెక్ట్ పై రచయిత, రాజమౌళి తండ్రి విజయేంద్ర ప్రసాద్ ఇటీవల జరిగిన ఒక ఇంటర్వ్యూలో మాట్లాడుతూ ఆసక్తికర విషయాలను వెల్లడించారు. ప్రస్తుతం మహేష్ బాబు తన కొత్త చిత్రం సర్కారువారిపాట విడుదల కోసం వెయ్యి కళ్ళతో వేచి చూస్తున్నాడు. ఆ తర్వాత వెంటనే మాటల మాంత్రికుడు త్రివిక్రమ్ తో సినిమా కమిటైన మహేష్ రాజమౌళి తో చేసే సినిమాను 2023 ప్రథమార్థంలో ప్రారంభిస్తాడని విజయేంద్ర ప్రసాద్ తెలిపారు. అలానే ఈ మూవీ ఆఫ్రికా అడవుల నేపథ్యంలో సాగుతుందని కూడా పేర్కొన్నారు. అయితే, ఈ మూవీ స్క్రిప్ట్ ను తాను ఇంకా పూర్తి చేయలేదని విజయేంద్ర ప్రసాద్ తెలిపారు. ఎస్ ఎస్ రాజమౌళి - మహేష్ బాబు ల ప్రాజెక్ట్ ను దుర్గ ఆర్ట్స్ పై కేఎల్ నారాయణ నిర్మిస్తున్నారు.
|
|