ఫిబ్రవరి 5న తోటపల్లి వేంకటేశ్వర స్వామి విగ్రహ పునః ప్రతిష్ఠ
Andhra Pradesh Telugu | Suryaa Desk | Published : Sat, Jan 18, 2025, 05:07 PM
తోటపల్లి వేంకటేశ్వర స్వామి విగ్రహ పునః ప్రతిష్ఠ కార్యక్రమాన్ని ఫిబ్రవరి 5 నుంచి 8వ తేదీ వరకు నిర్వహించేందుకు ఆలయ కార్యనిర్వహణ అధికారి, అభివృద్ధి సేవా ట్రస్టు నిర్ణయించాయి. ఈ మేరకు శుక్రవారం పార్వతీపురం కలెక్టర్‌ కార్యాలయంలో సంబంధిత పోస్టర్లను కలెక్టర్‌ ఎ.శ్యాంప్రసాద్‌ విడుదల చేశారు. పుష్పగిరి పీఠాధిపతులు జగద్గురువులు విద్యాశంకర భారతీస్వామి ఆశీస్సులతో ఈ కార్యక్రమాన్ని చేపడతామని చెప్పారు. 5, 6, 7 తేదీలలో ప్రతిష్ఠ కార్యక్రమాలు, 8న వార్షిక కల్యాణోత్సవం ఉంటుందని వివరించారు. ఇదిలా ఉండగా గిజబ గ్రామానికి చెందిన ప్రసాద్‌.. కలెక్టర్‌ చేతులమీదుగా ట్రస్ట్‌ కోశాధికారి తామడ దుర్గారావుకు లక్ష రూపాయల చెక్కును విరాళంగా అందజేశారు. ఈ కార్యక్రమంలో తోటపల్లి ఆలయ అభివృద్ధి సేవా ట్రస్టు సభ్యుడు డి.పారినాయుడు, కన్వీనర్‌ శ్రీరామచంద్రమూర్తి, కో మేనేజింగ్‌ ట్రస్టీ చుక్క భాస్కరరావు, ట్రస్టీలు పాల్గొన్నారు.
|
|