షేర్ మార్కెట్ రా రాజు

షేర్ మార్కెట్ అంటేనే ఎపుడు పైకి వస్తామో...ఎపుడు ఆధాళపాతంలోకి వెళ్తామో చెప్పలేని పరిస్థితి. కానీ షేర్ మార్కెట్ లో రారాజుగా చలామణి అవ్వడం కష్టం. కానీ ఆ తరహా ప్రభావం చూపెడుతోంది లిండే ఇండియా షేర్ మార్కెట్. లిండే ఇండియా షేరుకు రూ. 2659 స్థాయి కీలకమైన నిరోధంగా చెప్పుకోవచ్చు. ఈ రోజు ట్రేడింగ్ మార్నింగ్ సెషన్‌లో షేరు ఈ స్థాయిని బ్రేక్ ఔట్ చేసింది. అంటే దాటేసింది. అధిక వాల్యూమ్స్‌తో షేరు ధర ఈరోజు 5 శాతం మేర పెరిగింది. లిండే ఇండియా షేరు రూ. 2650 స్థాయిని నాలుగు సార్లు పరీక్షించింది. అయితే ఈ స్థాయికి పైన క్లోజ్ కాలేకపోయింది. కానీ ఈరోజు షేరు ధర చాలా బుల్లిష్‌గా కనిపిస్తోంది. ఆర్ఎస్‌ఐ 65 వద్ద ఉంది. ట్రెండ్ ఇండికేటర్ ఏడీఎక్స్ కూడా షేరులో రానున్న రోజుల్లో బలమైన అప్‌ట్రెండ్ ఉండొచ్చని సూచిస్తోంది. ఎంఏసీడీ కూడా పెరిగింది. ఇది కూడా అప్‌సైడ్‌ను తెలియజేస్తోంది. ఎల్డర్ ఇంపల్స్ సిస్టమ్ ఫ్రెష్ బై సిగ్నల్ సూచిస్తోంది. ప్రింగ్స్ కేఎస్‌టీ జీరో లైన్ దిగువున బుల్లిష్ క్రాసోవర్‌ను ఉండొచ్చని తెలియజేస్తోంది. వాల్యూమ్స్ కూడా పెరుగుతున్నాయి. టెక్నికల్‌గా చూస్తే ఈ షేరు బలముగా ఉంది. గత ఏడాదిలో ఈ షేరు మంచి పనితీరు కనబరిచింది. 165 శాతానికి పైగా రాబడిని అందించింది. వారం రోజుల వ్యవధిలో చూస్తే.. ఈ షేరు 5 శాతం పెరిగింది. స్వల్ప కాలం నుంచి మధ్యస్థ కాలంలో షేరు మంచి పనితీరు ప్రదర్శించిందని చెప్పుకోవచ్చు. లిండే ఇండియా కంపెనీ ప్రధానంగా లిక్విఫైడ్ లేదా కంప్రెస్డ్ ఇన్‌ఆర్గానిక్ ఇండస్ట్రియల్ లేదా మెడికల్ గ్యాస్‌లను తయారు చేస్తుంది. యుటిలిటీ ప్రాజెక్ట్‌లను నిర్మిస్తుంది. ఈ కంపెనీ మార్కెట్ క్యాపిటలైజేషన్ రూ.22,310 కోట్లుగా ఉంది. ఆకర్షణీయమైన మిడ్ క్యాప్ షేరు ఇదని చెప్పుకోవచ్చు. కంపెనీ ప్రతి ఏడాది మంచి రాబడిని గడిస్తోంది. తన విభాగంలోని ఇతర కంపెనీల షేర్ల కన్నా మంచి పనితీరు కనబరుస్తోంది.