ఆ ఐదుగురు మహిళలను నాకు గిఫ్టుగా ఇచ్చారు.. అందుకే వారితో శృంగారం

హాలీవుడ్ నటుడు జీన్ క్లాడ్ వాన్‌డమేపై కేసు నమోదు అయింది. ముఖ్యంగా ఆయన ట్రాఫికింగ్‌కు గురైన ఐదుగురు అమ్మాయిలతో అక్రమంగా లైంగిక సంబంధాలు కొనసాగించినట్లు ఆరోపణలు వచ్చాయి. ప్రస్తుతం 64 ఏళ్ల వయసు కల్గిన ఈయన అది నిజమేనని చెప్పినట్లు తెలుస్తోంది. ముఖ్యంగా ఆ ఐదుగురిని తనకు కొందరు బహుమతులుగా ఇచ్చారని.. అందుకే వారితో శృంగారం చేసినట్టు ఒప్పుకున్నాడని ఓ నివేదిక వెల్లడించింది. ఆ పూర్తి వివరాలు మీకోసం.

తొలిసారి ఆ ఈవెంట్‌లోనే మహిళ ఆరోపణలు

ప్రస్తుతం 64 ఏళ్ల వయసు కల్గిన హాలీవుడ్ స్టార్ హీరో జీన్ క్లాడ్ వాన్‌డమే ఇటీవలే కేన్స్‌లో ఓ కార్యక్రమాన్ని ఆర్గనైజ్ చేశారు. అయితే ఆ నటుడికి వ్యతిరేకంగా అదే ఈవెంట్‌లో ఓ మహిళ తీవ్ర ఆరోపణలు చేసింది. ముఖ్యంగా అక్కడికి వచ్చిన కొందరు అధికారులతో.. హీరో తనను లైంగికంగా వాడుకున్నాడని చెప్పింది. తాను అక్రమ రవాణాకు గురైనట్లు కూడా వివరించింది. దీంతో సదరు అధికారులు డైరెక్టరేట్ ఫర్ ఇన్వెస్టిగేటింగ్ ఆర్గనైజ్డ్ క్రైమ్ అండ్ టెర్రరిజం (డీఐఐసీఓటీ)ను ఆశ్రయించారు. ముఖ్యంగా నటుడు జీన్ క్లాడ్ వాన్‌డమేపై ఫిర్యాదు చేశారు.

జీన్ క్లాడ్ వాన్‌డమే కేసు నమోదు చేసిన డీఐఐసీఓటీ

అక్రమ రవాణాకు గురైన ఐదుగురు మహిళలను హీరో జీన్ క్లాడ్ వాన్‌డమే బహుమతిగా పొందారని.. ఆరోపించారు. దీంతో డీఐఐటీఓటీ ఈ కేసును విచారిస్తోంది. ఇప్పటికే అక్రమ రవాణాతో సంబంధం ఉన్న కేసులో అనేక మంది రొమేనియన్లపై విచారణ జరుపుతున్నట్లు మహిళల తరఫు న్యాయవాది అడ్రియన్ కుకులిస్ తెలిపారు. ఆ దేశంలో నమోదు అయిన రెండో హై ప్రొఫైల్ కేసు ఇదని వివరించారు. ముఖ్యంగా నటుడు జీన్ క్లాడ్ వాన్‌డమేపై మోరెల్ బోలియా నేతృత్వంలోని క్రిమినల్ నెట్ వర్క్ నుంచి ఐదుగురు రొమేనియన్ మహిళను బహుమతిగా పొందారని అన్నారు. అలాగే ఆయనకు వారు అక్రమ రవాణాకు గురైన మహిళలను అని కూడా తెలుసని.. చెప్పారు.

ఇదిలా ఉండగా.. నటుడు జీన్ క్లాడ్ వాన్‌డమేపై తనపై వచ్చిన ఆరోపణలు ఒప్పుకున్నారని తెలుస్తోంది. తనకు వాళ్లు బహుమతులుగా అందారని.. అందుకే వాళ్లతో శృంగారం చేశాడని చెప్పినట్లు కొన్ని నివేదికలు వివరిస్తున్నాయి. అయితే దీనికంటే ముందే ఆండ్రూ, ట్రిస్టన్ టాటే కూడా ఇటీవలే సెక్స్ ట్రాఫికింగ్ ఆరోపణలు ఎదుర్కున్నారు. అరెస్ట్ అయి జైలుకు కూడా వెళ్లారు. అలాగే బాధితులు దేశం వదిలి వెళ్లిపోయేందుకు కూడా ఇప్పటికే అనుమతి లభించింది.