|
|
by Suryaa Desk | Thu, Dec 19, 2024, 03:17 PM
టాలీవుడ్ నటుడు అల్లరి నరేష్ డిసెంబర్ 20, 2024న విడుదల కానున్న 'బచ్చల మల్లి' సినిమాతో ప్రేక్షకులను అలరించబోతున్నారు. ఇటీవలే మేకర్స్ విడుదల చేసిన ట్రైలర్ కి భారీ రెస్పాన్స్ వచ్చింది. ఈ సినిమా ప్రొమోషన్స్ ని మూవీ మేకర్స్ ఇటీవలే ప్రారంభించారు. సుబ్బు మంగదేవి దర్శకత్వం వహిస్తున్న ఈ చిత్రంలో అమృత అయ్యర్ కథానాయికగా నటించారు. తాజాగా మూవీ మేకర్స్ ఈ సినిమా యొక్క ప్రీమియర్ బుకింగ్స్ ఓపెన్ అయ్యినట్లు ప్రకటించారు. హైదరాబాద్ లో AAA సినిమాస్ లో 9:45 గంటలకి మరియు AMB సినిమాస్ లో 10:25 గంటలకి ప్రీమియర్ కానున్నట్లు వెల్లడించారు. ఈ విషయాన్ని తెలియాజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. రావు రమేష్, హరితేజ, ప్రవీణ్ తదితరులు ఈ సినిమాలో కీలక పాత్రలు పోషిస్తున్నారు. విశాల్ చంద్ర శేఖర్ ఈ సినిమాకి సంగీత స్వరకర్త.హాస్య మూవీస్ బ్యానర్‌పై రాజేష్ దండా, బాలాజీ గుత్తా ఈ చిత్రాన్ని నిర్మిస్తున్నారు.
Latest News