|
|
by Suryaa Desk | Thu, Nov 20, 2025, 03:41 PM
ప్రముఖ పైరసీ సైట్ iBOMMA నిర్వాహకుడు రవి గురించి పోలీసు దర్యాప్తులో ఆసక్తికరమైన వ్యక్తిగత విషయాలు బయటపడ్డాయి. హైదరాబాద్లోని అమీర్పేట ప్రాంతంలో ఓ కోచింగ్ సెంటర్లో రవికి ఓ ముస్లిం యువతితో పరిచయం ఏర్పడింది. ఆ పరిచయం కొన్నాళ్లకే గాఢమైన ప్రేమలో మారి, ఇద్దరూ కుటుంబ సభ్యుల అభ్యంతరాలను సైతం లెక్కచేయకుండా లవ్ మ్యారేజ్ చేసుకున్నారు. ఈ దంపతులకు ఒక చక్కని కూతురు కూడా జన్మించింది.
కానీ ఆ ఆనందం ఎక్కువ కాలం నిలవలేదు. రవి భార్య, అత్తవారింటి వాళ్ల నుంచి నిరంతరం మానసిక ఒత్తిడి పెరిగింది. విదేశాల్లో స్థిరపడిన రవి అక్క, బావలు నెలకు రూ.కోట్లలో ఆదాయం పొందుతుంటే, “నీకు మాత్రం డబ్బు సంపాదించడం రావట్లేదా?” అని భార్యతో పాటు అత్త కూడా ఎగతాళి చేసేవారట. ఈ నిందలు, హేళనలు రోజురోజుకూ తీవ్రమవుతూ వచ్చాయి.
చివరికి 2021లో ఈ దంపతుల మధ్య అంతా అయిపోయింది. విడాకులు తీసుకున్నారు. కోర్టు ఆదేశాల మేరకు వారి చిన్న పాపను తల్లి తీసుకెళ్లిపోయింది. ఒకప్పుడు ప్రేమతో మొదలైన ఈ సంసారం ఆర్థిక ఒత్తిడి, కుటుంబ ఎగతాళ్ల వల్ల చివరికి విషాదంగా ముగిసింది.
ఇప్పుడు రవి ఒంటరిగా ఉంటూ, తన పైరసీ వ్యాపారంలోనే మునిగిపోయినట్లు సమాచారం. బయటి ప్రపంచంలో కోట్లు సంపాదిస్తున్నాడు కానీ, లోపల ఒక తండ్రిగా తన బిడ్డను కూడా పోగేసుకున్నాడు – ఇదీ iBOMMA రవి జీవితంలో బయటకు వచ్చిన హృదయ విదారక అధ్యాయం!
