సినిమా ఇండస్ట్రీ ఆంధ్రాకు వెళ్లిపోవాలని కాంగ్రెస్ చూస్తోంది.. బండి సంజయ్
|
|
by Suryaa Desk | Wed, Dec 25, 2024, 06:50 PM
తెలంగాణ ప్రభుత్వం మరో కీలక హామీ నెరవేర్చేందుకు రెడీ అయింది. ఇప్పటికే రూ. 2 లక్షల రుణమాఫీని నాలుగు విడతల్లో అమలు చేసిన తెలంగాణ ప్రభుత్వం.. సంక్రాంతి నుంచి రైతు భరోసా ఇచ్చేందుకు సిద్ధమైంది. అందుకు సంబంధించిన విధివిధానాలు రూపొందించే పనిలో వ్యవసాయశాఖ అధికారులు నిమగ్నమయ్యారు. ఇక అసెంబ్లీ ఎన్నికల సమయంలో ఇచ్చిన ప్రధాన హామీల్లో రైతు కూలీలకు ఏడాదికి రూ. 12 వేల సాయం కూడా ఒకటి. రాష్ట్రంలో భూమిలేని పేద రైతు కూలీలకు ఈ నగదు జమ చేస్తామని చెప్పారు. తాజాగా ఈ పథకం అమలుకు ప్రభుత్వం సిద్ధమైంది.
తెలంగాణ వ్యాప్తంగా 25 లక్షల కుటుంబాలకు ఎలాంటి సాగు భూమి లేదని ధరణి కమిటీ నివేదిక ద్వారా వెల్లడైంది. వీరిలో 70శాతం దళితులేనని తెలిపింది. భూమి లేని పేదలకు ఏటా రూ.12 వేలు ఇస్తామని ప్రభుత్వం ప్రకటించిన నేపథ్యంలో వారందరికీ డబ్బులు జమ చేయాలని భావిస్తున్నారు. అందుకు ఉపాధి హామీ కార్డులు, కులగణన సర్వే వివరాలను పరిగణనలోకి తీసుకోవాలని చూస్తోంది. ఉపాధి హామీ పథకాన్ని వినియోగించుకున్న రైతు కూలీలనే లబ్ధిదారులుగా ఎంపిక చేయాలని ప్రభుత్వం నిర్ణయించినట్లు తెలిసింది. ఈ మేరకు ఫీల్డ్ అసిస్టెంట్ల నుంచి ఇప్పటికే సమాచారం సేకరిస్తున్నట్లు అధికార వర్గాలు వెల్లడించాయి. ఆ డేటా సేకరించిన తర్వాత.. అర్హులను ఎంపికి చేసి వారికి మాత్రమే రూ. 12 వేలు ఇచ్చేందుకు ప్రభుత్వం సిద్ధమైనట్లు సమాచారం. మొదటి విడతగా వచ్చే నెలలో రూ.6 వేల చొప్పున ఇవ్వనున్నట్లు ప్రభుత్వ వర్గాలు చెబుతున్నాయి.
ఇక ఈనెల 30న తెలంగాణ మంత్రి మండలి సమావేశం సెక్రటేరియట్‌లో సీఎం రేవంత్ రెడ్డి అధ్యక్షతన జరిగే ఈ సమావేశంలో రైతు కూలీలకు ఇచ్చే రూ. 12 వేలపై కీలక నిర్ణయం తీసుకునే ఛాన్స్ ఉంది. వీటితో పాటుగా కేబినెట్ భేటీలో రైతు భరోసా, ఇందిరమ్మ ఇండ్ల పథకంపైనా కీలక నిర్ణయాలు తీసుకునే అవకాశం ఉంది. యాదగిరిగుట్ట బోర్డు ఏర్పాటుకు ఆమోదం తెలపనున్నట్లు సమాచారం. 20 మంది సభ్యులతో ఈ బోర్డును ఏర్పాటు చేసేందుకు ప్రభుత్వం ప్రయత్నిస్తోంది. కొత్త రేషన్ కార్డులపై కూడా కేబినెట్ భేటీలో చర్చించనున్నారు. ఇప్పటికే ఆయా పథకాల అమలుకు విధివిధానాలు ఖరారు కాగా.. మంత్రి మండలిలో చర్చ అనంతరం వాటికి ఆమోద ముద్ర పడనుంది.
