ఏడాది పాలనలో కాంగ్రెస్ పార్టీ చేసిందేమీ లేదు : కేంద్రమంత్రి కిషన్ రెడ్డి
|
|
by Suryaa Desk | Sat, Jul 13, 2024, 08:15 PM
హైదరాబాద్‌లో కొత్త రైల్వే స్టేషన్ తర్వలోనే అందుబాటులోకి రానుంది. ఇప్పటికే సికింద్రాబాద్, కాచిగూడ, నాంపల్లి రైల్వేస్టేషన్లు అందుబాటులో ఉండగా.. నాలుగో రైల్వేస్టేషన్‌గా చర్లపల్లి రైల్వే స్టేషన్ నిర్మాణమవుతోంది. కాగా.. ఈ స్టేషన్ పనులు 98 శాతం పూర్తయ్యాయని కేంద్రమంత్రి కిషన్ రెడ్డి పేర్కొన్నారు. ఈ మేరకు ఆయన ఈ స్టేషన్ ఫొటోలను ట్విట్టర్ వేదికగా పంచుకున్నారు. అద్భుతమైన... అత్యాధునిక సదుపాయాలతో ఈ స్టేషన్ సిద్ధమైందని కిషన్ రెడ్డి తెలిపారు. ఫొటోలను బట్టి చూస్తుంటే.. ఎయిపోర్టును తలపించేలా చర్లపల్లి రైల్వేస్టేషన్‌ను నిర్మించినట్టు కనిపిస్తోంది. స్టేషన్ డిజైన్, నిర్మాణం.. ఆకర్షణీయంగా కనిపిస్తోంది.
లోక్ సభ ఎన్నికలకు ముందే పూర్తి కావాల్సిన ఈ రైల్వే స్టేషన్.. త్వరలోనే ప్రయాణికులకు అందుబాటులోకి రానుంది. రూ.434 కోట్ల బడ్జెట్‌తో ఈ స్టేషన్‌ను నిర్మించినట్టు తెలిపారు.. ఇది తెలంగాణలో నాలుగో అతిపెద్ద రైల్వే స్టేషన్ కానుందని కిషన్ రెడ్డి పేర్కొన్నారు. ఈ స్టేషన్‌లో 9 ప్లాట్‌ఫాంలు ఉన్నాయని.. ఈ స్టేషన్ అందుబాటులోకి వస్తే సికింద్రాబాద్, కాచిగూడ రైల్వే స్టేషన్లలో రద్దీ తగ్గుతుందన్నారు. సుదూర ప్రాంత రైళ్లు, ఎంఎంటీఎస్ రైళ్లను మారడానికి ఎంతో మందికి ఈ స్టేషన్ మరింత అనుకూలంగా ఉంటుందని కిషన్ రెడ్డి తెలిపారు.
ఈ స్టేషన్ త్వరలోనే ప్రారంభం కానుండగా.. మొదట 6 ఎక్స్‌ప్రెస్‌ ట్రైన్లు, ఆ తర్వాత 25 జతల దూరప్రాంత రైళ్లను నడపనున్నట్టు తెలుస్తోంది. రూ.430 కోట్లతో ఈ రైల్వేస్టేషన్‌ను తీర్చిదిద్దగా.. ఇప్పటికే 24 రైల్వే బోగీలు పట్టే విధంగా 5 ప్లాట్‌ఫాంలు అందుబాటులోకి వచ్చాయి. మరో 4 ఎత్తయిన ప్లాట్‌ఫామ్‌లను కూడా నిర్మించారు. 12 మీటర్ల వెడల్పుతో ఫుట్ ఓవర్ బ్రిడ్జిలు కూడా నిర్మించారు. 9 ప్లాట్‌ఫాంలలో మొత్తం 7 లిఫ్టులు, 6 ఎస్కలేటర్లను అధికారులు ఏర్పాటు చేశారు. కోచ్‌ నిర్వహణ వ్యవస్థతో పాటు.. ఎంఎంటీఎస్ ట్రైన్లకు ఎలాంటి ఆటంకం లేకుండా రెండు ప్లాట్‌ఫాంలు అందుబాటులోకి తీసుకొస్తున్నారు.
ఈ చర్లపల్లి రైల్వే స్టేషన్ అందుబాటులోకి వస్తే.. ట్రైన్ల ఆలస్యానికి చెక్ పడనుంది. సికింద్రాబాద్ రైల్వేస్టేషన్‌తో సంబంధం లేకుండా రైళ్లు ప్రయాణాలు నేరుగా సాగనున్నాయి. విజయవాడ మీదుగా వచ్చే రైళ్లు కాచిగూడ స్టేషన్ మీదుగా బెంగళూరు, కర్నూలు వైపు వెళ్లే రైళ్లు కూడా సికింద్రాబాద్ స్టేషన్‌కు వెళ్లకుండానే.. నేరుగా వెళ్లే అవకాశం ఉంటుంది. కాచిగూడ రైల్వేస్టేషన్‌ నుంచి బెంగళూరు వెళ్లే రైళ్లతో పాటు.. విశాఖపట్నం, విజయవాడ వెళ్లే రైళ్లు కూడా చర్లపల్లి నుంచి పంపేలా ప్రణాళికలు సిద్ధం చేస్తున్నట్టు సమాచారం.
