కేవలం 5 నిమిషాల్లో 2.62 లక్షల సంపాదన.. అర‌చేతిలో వైకుంఠం అంటే ఇదే కాబోలు
|
|
by Suryaa Desk | Mon, Nov 18, 2024, 07:45 PM
ఎప్పటినుంచో హాట్‌ హాట్‌గా నడుస్తుండగా.. తాజాగా ఘాటు విమర్శలతో మరోసారి వేడి రాజుకుంది. బీఆర్ఎస్ మాజీ ఎమ్మెల్యే తాటికొండ రాజయ్యకు సిట్టింగ్ ఎమ్మెల్యే కడియం శ్రీహరి మధ్య మాటల యుద్ధం నడుస్తోంది. ఈ క్రమంలోనే.. కడియం శ్రీహరిపై తీవ్ర స్థాయిలో విమర్శలు చేసిన తాటికొండ రాజయ్య.. తన సవాలును స్వీకరిస్తున్నట్టు చెప్పారు.
ధర్మసాగర్ మండలం దేవునూరు గుట్టల్లో అటవీ, రైతుల భూములను ఆక్రమించినట్లు చేస్తున్న ఆరోపణలపై స్పందించిన కడియం శ్రీహరి.. సాక్ష్యాలతో నిరూపిస్తే తన ఎమ్మెల్యే పదవికి వెంటనే రాజీనామా చేస్తానని.. రాజకీయ సన్యాసం కూడా తీసుకుంటానని చెప్పుకొచ్చారు. అదే సమయంలో.. దళితబంధు పథకంలో వందలాది మంది పేద దళిత బిడ్డలను మోసగించిన విషయాలపై తాను సాక్ష్యాలతో సహా ప్రజలు, మీడియా ముందు నిరూపిస్తానని.. తాటికొండ రాజయ్య రాజకీయాల నుంచి తప్పుకోవాలని సవాల్ విసిరారు. స్టేషన్‌ ఘన్‌పూర్‌ నియోజకవర్గంలో నువ్వైనా ఉండాలి.. నేనైనా ఉండాలని.. నువ్వో నేనో తేల్చుకుందామంటూ కడియం శ్రీహరి ఛాలెంజ్ చేశారు.
ఈ ఛాలెంజ్ మీద స్పందించిన తాటికొండ రాజయ్య.. తన సవాలును స్వీకరిస్తున్నట్టు ప్రకటించారు. ఈ మేరకు ఓ వీడియో విడుదల చేశారు. కడియం శ్రీహరి స్థానికేతరుడు అని.. ఆయన్ను పర్వతగిరి పంపించే వరకు నిద్రపోనని తాటికొండ రాజయ్య స్పష్టం చేశారు. నియోజకవర్గంలో నువ్వో నేనో మిగలాలని కడియం శ్రీహరి అంటున్నాడని.. ఆయన ఎక్కడ కూడా తనకు పోటీ రాలేడని రాజయ్య చెప్పుకొచ్చారు. తాను వరుసగా నాలుగుసార్లు ఎమ్మెల్యేగా గెలిచానని గుర్తుచేశారు. కడియం శ్రీహరి ప్రజా నాయకుడు కాదని.. రాజకీయ నాయకుడు మాత్రమేనని విమర్శించారు.
"నేను ఇక్కడే పుట్టా.. ఇక్కడే పెరిగా.. ఇక్కడే ఉంటా.. రేపు చస్తే కూడా నన్ను ఇక్కడే బొంద పెడతారు. కానీ నిన్ను స్థానికేతరుడిలాగే గుర్తిస్తారు. నిన్ను పర్వతగిరికి పంపించే వరకు నిద్రపోను." అంటూ తాటికొండ రాజయ్య కీలక వ్యాఖ్యలు చేశారు. కడియం స్థానికేతరుడు అని.. ఆయన్ను తప్పకుండా తరిమికొడతానని రాజయ్య చెప్పుకొచ్చారు. సత్యహరిశ్చంద్రుడిలా నీతిమంతుడినని కడియం శ్రీహరి డబ్బా కొట్టుకోవడం సిగ్గు చేటని రాజయ్య మండిపడ్డారు. శ్రీహరి అనేక అవినీతికి పాల్పడ్డారని.. అవినీతి తిమింగలంలా అయ్యాడంటూ కీలక ఆరోపణలు చేశారు. ఇటీవల జరిగిన ఎంపీ ఎన్నికల్లో కడియం శ్రీహరి రూ.100 కోట్లు ఖర్చు చేశారని తెలిపిన రాజయ్య.. ఆ 100 కోట్లు ఎక్కడివని ప్రశ్నించారు.
