కేవలం 5 నిమిషాల్లో 2.62 లక్షల సంపాదన.. అర‌చేతిలో వైకుంఠం అంటే ఇదే కాబోలు
|
|
by Suryaa Desk | Sun, Aug 11, 2024, 08:06 PM
తెలంగాణలోని రైల్వే ప్రయాణికులకు రైల్వే శాఖ గుడ్‌న్యూస్ చెప్పింది. రాష్ట్రంలో మరో రైల్వే లైన్ అందుబాటులోకి రానుంది. పశ్చిమ బెంగాల్‌లోని అసన్‌సోల్‌ నుంచి వరంగల్ వరకు 1,316 కిలోమీటర్ల మేర రైల్వే కారిడార్ తలపెట్టిన సంగతి తెలిసిందే. అందులో భాగంగా మల్కన్‌గిరి-పాండురంగాపురం మధ్య నూతన రైల్వే మార్గం నిర్మించనున్నట్లు రైల్వే మంత్రి అశ్వినీ వైష్ణవ్‌ వెల్లడించారు. ఈ మేరకు శుక్రవారం కేంద్ర కేబినెట్‌ ఆమోదముద్ర వేసినట్లు ఆయన తెలిపారు. డబుల్‌ లైన్‌గా నిర్మించే ఈ ప్రాజెక్టుల అంచనా వ్యయం రూ.7,382 కోట్లుగా కేంద్రమంత్రి తెలిపారు. దక్షిణాదిలోని థర్మల్‌ పవర్ ప్లాంట్లకు బొగ్గు సరఫరా చేయడం.., ఝార్ఖండ్, ఒడిశా తెలంగాణ, ఛత్తీస్గఢ్ రాష్ట్రాల్లోని బొగ్గు గనుల నుంచి రైల్వే మార్గాలను కనెక్ట్ చేయడం ఈ ప్రాజెక్టు ముఖ్య లక్ష్యమని పేర్కొన్నారు.
ఈ రైల్వే మార్గం తెలంగాణలో 19.77 కిలోమీటర్ల పొడవు ఉంటుందన్నారు. ఏపీలో 85.5 కిలోమీటర్ల మేర సాగుతుందని వివరించారు. ఇవి గ్రీన్‌ఫీల్డ్‌ ప్రాజెక్టులని.. వీటితో ఏపీలోని తూర్పుగోదావరి, తెలంగాణలోని భద్రాద్రి కొత్తగూడెం జిల్లాలకు ఎక్కువ ప్రయోజనం కలుగుతుందని వివరించారు. ప్రాజెక్టులో భాగంగా గోదావరి నదిపై మరో వంతెన నిర్మించనున్నట్లు తెలిపారు. ఒకవేళ ప్రకృతి వైపరీత్యాలు సంభవించినప్పుడు తూర్పు తీరంలో ట్రైన్ల రాకపోకలు నిలిచిపోతే.. ప్రత్యామ్నాయంగా ఈ రైల్వే మార్గంలో ట్రైన్లు నడపడానికి వీలవుతుందన్నారు. గిరిజన ప్రాబల్యం ఉన్న ప్రాంతాల గుండా ఈ మార్గం సాగుతుందని.. ఇది పూర్తయితే వెనకబడిన ప్రాంతాలు అభివృద్ధి చెందుతాయని పేర్కొన్నారు. కొత్త ఆర్థిక కార్యకలాపాలు మొదలవుతాయిని... వామపక్ష ప్రభావిత ప్రాంతాల్లో పరిస్థితులు మెరుగుపడతాయని వివరించారు. అయిదేళ్లలో ప్రాజెక్టు పనులు పూర్తిచేస్తామని.. ప్రాజెక్టులో చాలా సొరంగమార్గాలు వస్తాయని వివరించారు.
మల్కన్‌గిరి-పాండురంగాపురం రైల్వే లైన్ ప్రాజెక్టు వల్ల తెలంగాణకు మేలు జరుగుతుందని కేంద్రమంత్రి కిషన్ రెడ్డి వెల్లడించారు. పర్యాటకం, వైద్యారోగ్య రంగాలు, వ్యవసాయం, వాణిజ్యం, విద్యలో వృద్ధిని సాధించడానికి దోహదపడుతుందని చెప్పారు.. ఛత్తీస్గఢ్ రాష్ట్రానికి చెందినవారు హైదరాబాద్, విజయవాడ ప్రాంతాలను చేరుకోవడానికి ప్రయాణ సమయం చాలా వరకు తగ్గుతుందనన్నారు. హైదరాబాద్, విజయవాడ నగరాలకు అనుసంధానత మరింత పెరుగుతుందని చెప్పారు.
