కేవలం 5 నిమిషాల్లో 2.62 లక్షల సంపాదన.. అర‌చేతిలో వైకుంఠం అంటే ఇదే కాబోలు
|
|
by Suryaa Desk | Sat, Jul 13, 2024, 08:02 PM
హైదరాబాద్‌లో పేరు మోసిన రియల్ ఎస్టేస్ వ్యాపారి కమ్మరి కృష్ణ హత్య కేసులో సంచలన విషయాలు వెలుగు చూస్తున్నాయి. ఈ హత్య కేసును ఛేదించిన పోలీసులు.. విస్తుపోయే విషయాలను వెల్లడించారు. కమ్మరి కృష్ణ మొదటి భార్య కుమారుడు శివనే.. సుపారీ ఇచ్చి తన తండ్రిని హత్య చేపించినట్టు పోలీసులు తేల్చారు. ఈ హత్యకు కారణమైన నలుగురు నిందితులను పోలీసులు అరెస్టు చేశారు. నిందితులను నుంచి రెండు కార్లు, ఒక ద్విచక్ర వాహనం, మూడు పదునైన కత్తులు, ఒక సెల్ ఫోన్, 50 వేల నగదు సీజ్ చేశారు. అనంతరం.. పోలీస్ స్టేషన్‌కు తీసుకొచ్చి.. మీడియాకు డీసీపీ రాజేష్ కుమార్ పూర్తి వివరాలు వెల్లడించారు.
కమ్మరి కృష్ణకు ముగ్గురు భార్యలు ఉండగా.. మొదటి భార్య విజయలక్ష్మి. కృష్ణ, విజయలక్ష్మి దంపతులకు శివ (35), సాయి కిరణ్ (26) అనే ఇద్దరు కుమారులు. ఇద్దరి మధ్య వచ్చిన మనస్పర్ధలతో.. విజయలక్ష్మి తన భర్తతో విడిపోయి వేరుగా కాపురం ఉంటోంది. ఆ తర్వాత కృష్ణ రెండో వివాహం చేసుకోగా ఆమె కరోనా సమయంలో మరణించింది. ఆ తర్వాత.. పావని (35) ఏళ్ల పావనిని మూడో వివాహం చేసుకున్నాడు. కృష్ణ రియల్ ఎస్టేట్ వ్యాపారం చేయటంతో పాటు.. కేకే ఫంక్షన్ హాల్స్ నిర్మించి పెద్ద ఎత్తున డబ్బులు సంపాదించాడు. రియల్ ఎస్టేట్ వ్యాపారంలో కేకే పలు వివాదాల్లో చిక్కుకోగా.. వివిధ పోలీస్ స్టేషన్లలో కేసులు కూడా ఉన్నాయి.
అయితే.. ఈ మధ్యకాలంలో మొదటి భార్య విజయలక్ష్మి కుమారుడు శివకు.. కృష్ణకు మధ్య ఆస్తిపరమైన వివాదాలు తలెత్తాయి. ఈ క్రమంలోనే.. తన మూడో భార్య పావని పేరు మీద 16 కోట్ల విలువైన ఆస్తులతో పాటు కేకే ఫంక్షన్ హాల్‌ను రాసిట్టినట్టు సమాచారం. దీంతో.. కోపం పెంచుకున్న శివ ఎలాగైనా.. తన తండ్రిని హత మార్చితే ఆయన ఆస్తులని తనకే చెందుతాయని భావించి.. స్కెచ్ వేశాడు. ఇందుకోసం.. తన తండ్రి దగ్గర ఉండే బాడీగార్డ్ బిస్కుంద బాబా శివానంద్‌తోనే హత్యకు ప్రణాళిక వేశాడు.
అయితే.. బాబా కూడా ఇంతకు ముందు కృష్ణ వద్ద బాడీగార్డ్‌గా పని చేసి.. అనివార్య కారణాల వల్ల తొలగింపునకు గురై.. ఇటీవలే తిరిగి పనిలో చేరాడు. ఈ క్రమంలోనే.. తన తండ్రిని హత్య చేయాలని.. అందుకోసం బాబాకు 25 లక్షలతో పాటు ఓ ఇల్లు కట్టిస్తానని హత్యకు డీల్ కుదుర్చుకున్నాడు. ఇందుకోసం.. 2 లక్షల అడ్వాన్స్‌ కూడా ఇచ్చాడు. ఆ పక్కా ప్రణాళికలో భాగంగానే ఈనెల 10వ తేదీన రిసార్ట్‌లో చాయ్ తాగుతున్న సమయంలో హత్యకు తెగించారు. బాడీగార్డ్ బాబాతో పాటు అతని ఇద్దరు అనుచరులైన జె. గణేష్, JCL.. కాళ్లు చేతులు పట్టుకోగా బాడీగార్డ్ బాబా కృష్ణ గొంతు కోయటంతో పాటు ఛాతిలో పొడిచాడు. దీంతో.. తీవ్ర రక్తస్రావమై కృష్ణ మృతి చెందాడు.
హత్య జరిగిన సమయంలో కృష్ణ మూడో భార్య పావని, అతని అత్త అక్కడే ఉన్నారు. అనంతరం ముగ్గురు నిందితులు అక్కడ ఉన్నవారిని తుపాకీతో బెదిరించి అక్కడి నుంచి కారులో పారిపోయారు. వెంటనే.. పావని పోలీసులకు కంప్లైంట్ చేయగా.. విచారణ చేపట్టిన పోలీసులు కేవలం రెండు రోజుల్లోనే హత్యకు సంబంధించిన కారణాలను శోధించి, హత్యకు దారి తీసిన పరిస్థితులను ఛేదించి నిందితులను అరెస్టు చేశారు.
