|
|
by Suryaa Desk | Sun, May 04, 2025, 12:38 PM
నిషేధిత మావోయిస్టు సంస్థలపై బీజేపీ నేత, కేంద్ర మంత్రి బండి సంజయ్ కుమార్ తీవ్ర విమర్శలు గుప్పించారు. ఆదివారం కరీంనగర్లోని బీజేపీ కార్యాలయంలో ఆయన మీడియాతో మాట్లాడారు. ఈ సందర్భంగా నక్సలైట్లపై కీలక వ్యాఖ్యలు చేశారు.
నక్సలైట్ల వద్ద తుపాకులు ఉన్నాయని, వారు ప్రజాస్వామ్యాన్ని వ్యతిరేకించే విధంగా ప్రవర్తిస్తున్నారని అన్నారు. "ఇలాంటి సంస్థలతో మేము చర్చలు జరిపామని చెబుతారు. ఇది ఎంతవరకు సమంజసం?" అని ఆయన ప్రశ్నించారు.
తెలంగాణ ముఖ్యమంత్రి రేవంత్ రెడ్డి, మాజీ సీఎం కేసీఆర్లు నక్సలైట్లకు మద్దతు ఇవ్వడంలో పోటీ పడుతున్నారని ఆరోపించారు. పోలీసులను, జర్నలిస్టులను హత్య చేస్తే ఈ నేతలు ఎందుకు స్పందించరని ఆయన ఆగ్రహం వ్యక్తం చేశారు.
"నక్సలైట్ల చేతిలో బలయ్యే పోలీసుల కోసం, సమాజానికి వార్తలు అందించేందుకు ప్రాణాలు అర్పించే పాత్రికేయుల కోసం ఎలాంటి బాధ కూడా వ్యక్తం చేయకుండా, వీరిని సమర్థించడం ఎంతవరకు న్యాయము?" అని బండి సంజయ్ ప్రశ్నించారు. ఈ వ్యాఖ్యలు రాజకీయంగా కొత్త దుమారం రేపే అవకాశముంది.
