ప్రియాంక చోప్రా 'సిటాడెల్' సీజన్ 2 మే 6న విడుదల
by Suryaa Desk |
Sat, Apr 25, 2026, 12:38 PM
ప్రియాంక చోప్రా నటించిన 'సిటాడెల్' స్పై థ్రిల్లర్ సిరీస్ రెండవ సీజన్ మే 6 నుండి స్ట్రీమింగ్ కానుంది. మానవాళిని రక్షించేందుకు నదియా, మేసన్ చేసే సాహసాలతో ఈ సీజన్ సిద్ధమైంది. ఈ వార్తతో సమంత కూడా 'సిటాడెల్' రీమేక్లో నటిస్తుందా అనే చర్చలు మొదలయ్యాయి. అయితే, 'సిటాడెల్' సీజన్ 2 గురించి సమంత ఏం చెబుతుందోనని అందరూ ఎదురుచూస్తున్నారు.ఈ రెండో సీజన్ ట్రైలర్ గమనిస్తే.. ఫస్ట్ పార్ట్ కంటే ఇందులో మరింత యాక్షన్ ఉండబోతున్నట్లు తెలుస్తుంది. నాడియా సిన్ (ప్రియాంక), మేసన్ కేన్ (రిచర్డ్) మరియు బెర్నార్డ్ ఓర్లిక్ (స్టాన్లీ టుచి) తమ గతాన్ని గుర్తుకు తెచ్చుకుంటూనే, సిటాడెల్ సంస్థను నాశనం చేసిన క్రూరమైన ‘మాంటికోర్’ నెట్వర్క్ నుంచి ప్రపంచాన్ని రక్షించే భారీ మిషన్లో తలపడబోతున్నారు. హాలీవుడ్ ప్రముఖులు జాక్ రేనర్, మ్యాట్ బెర్రీ వంటి వారు కొత్తగా ఈ సీజన్లో భాగం కాగా, రూసో బ్రదర్స్ నిర్మాణ విలువలు ఈ సిరీస్ను మరో స్థాయికి తీసుకెళ్లాయి. ప్రస్తుతం రాజమౌళి – మహేష్ బాబు కాంబినేషన్లో వస్తున్న ‘వారణాసి’ సినిమా షూటింగ్లో ప్రియాంక చోప్రా బిజీగా ఉన్నప్పటికీ, ఆమె తన గ్లోబల్ ప్రాజెక్ట్ ‘సిటాడెల్’తో అంతర్జాతీయ స్థాయిలో మరోసారి తన సత్తా చాటడానికి సిద్ధమైంది.
Latest News
