|
|
by Suryaa Desk | Wed, Dec 06, 2023, 12:31 PM
హైదరాబాద్ లోని బీజేపీ రాష్ట్ర కార్యాలయంలో డాక్టర్ బీఆర్. అంబేద్కర్ వర్ధంతి కార్యక్రమంలో గోషామహల్ ఎమ్మెల్యే రాజాసింగ్ పాల్గొన్నారు. ఈ సందర్భంగా డా. బీఆర్ అంబేద్కర్ చిత్రపటానికి పూలమాలలు వేసి నివాళులర్పించారు. ఈ కార్యక్రమంలో మనోహర్రెడ్డి, కొప్పు భాషా, భాజపా కార్యకర్తలు, నాయకులు పాల్గొన్నారు. ఇక, రాజాసింగ్ మాట్లాడుతూ.. 8 మంది ఎమ్మెల్యేలను గెలిపించిన తెలంగాణ ప్రజలకు కృతజ్ఞతలు తెలుపుతూ.. డాక్టర్ బీఆర్ అంబేద్కర్ వర్ధంతి కార్యక్రమాన్ని మా పార్టీ కార్యాలయంలో నిర్వహించారు. దళితులకు ఇచ్చిన ఏ ఒక్క హామీని కేసీఆర్ నిలబెట్టుకోలేదని బీజేపీ ఎమ్మెల్యే రాజాసింగ్ ఆరోపించారు.
భారత రాజ్యాంగాన్ని మారుస్తా అన్న కేసీఆర్ నే తెలంగాణ ప్రజలు మార్చారని రాజాసింగ్ అన్నారు. మూడు రాష్ట్రాల్లో బీజేపీ గెలిచింది.. తెలంగాణలో కాంగ్రెస్ ప్రభుత్వాన్ని ఎక్కువ కాలం నడపలేదు.. అప్పులపాలై కేసీఆర్ వెళ్లిపోయాడు.. కాంగ్రెస్ నేతలు అప్పులు తీర్చుకుంటే సరిపోతుందని వాదించారు. కాంగ్రెస్ పార్టీ ఇచ్చిన 6 హామీలు ఎలా అమలు చేస్తారని ప్రశ్నించారు. తెలంగాణ అభివృద్ధి బీజేపీ పార్టీతోనే సాధ్యమవుతుందన్నారు. తెలంగాణలో కాంగ్రెస్ ప్రభుత్వం ఏడాది మాత్రమే ఉంటుందని రాజాసింగ్ సూచించారు. ఆ తర్వాత బీజేపీ ప్రభుత్వం అధికారంలోకి వస్తుంది.
