|
|
by Suryaa Desk | Sat, Mar 15, 2025, 11:42 AM
‘కోర్ట్’ సినిమాకు ప్రేక్షకుల నుంచి వస్తున్న అద్భుతమైన స్పందన చాలా అనందాన్ని ఇచ్చింది. నా 25 ఏళ్ల కల ‘మంగపతి’ పాత్రతో నెరవేరింది’ అని అన్నారు నటుడు శివాజీ. ప్రియదర్శి ప్రధాన పాత్రలో రామ్ జగదీశ్‌ దర్శకత్వంలో వచ్చిన చిత్రం ‘కోర్ట్’- స్టేట్ వర్సెస్‌ ఎ నోబడీ’. ప్రశాంతి తిపిర్నేని నిర్మించారు. దీప్తి గంటా సహ నిర్మాతగా వ్యవహరించారు. ఈ శుక్రవారం విడుదలైన ఈ చిత్రానికి ప్రేక్షకుల నుంచి మంచి స్పందన లభిస్తోంది. ఈ సందర్భంగా నటుడు శివాజీ మీడియాతో మాట్లాడుతూ ‘మంగపతి పాత్ర నా కోసమే పుట్టిందని భావిస్తున్నాను. ఈ పాత్రలో సహజమైన భావోద్వేగం ఉంది. ప్రతి కుటుంబంలో ఇలాంటి స్వభావమున్న వ్యక్తి ఉంటారు. నాని గారు నటుడిగా నిరూపించుకొని, ఇప్పుడు నిర్మాతగానూ రాణిస్తున్నారు. కొత్త నటీనటులను ప్రోత్సహించడంలోనూ చొరవ చూపిస్తున్నారు. కోర్ట్ సినిమా బాగోకపోతే తన ‘హిట్ 3’ చిత్రాన్ని చూడొద్దంటూ సవాలు విసరడం మామూలు విషయం కాదు’ అని అన్నారు.
Latest News
