|
|
by Suryaa Desk | Wed, Dec 06, 2023, 12:59 PM
తెలంగాణ ముఖ్యమంత్రిగా రేవంత్ రెడ్డి రేపు మధ్యాహ్నం 1:42 గంటలకు HYDలోని ఎల్బీ స్టేడియంలో ప్రమాణ స్వీకారం చేయనున్నారు. ఈ ప్రమాణ స్వీకారోత్సవానికి ఇప్పటికే కాంగ్రెస్ అగ్రనేతలు, ఇతర రాష్ట్రాల నేతలకు ఆహ్వానం పంపారు. అలాగే మాజీ ముఖ్యమంత్రులు కేసీఆర్, చంద్రబాబు సహా తెలంగాణ ఉద్యమంలో అమరుల కుటుంబాలకు ఆహ్వానం పంపనున్నారు. కేసీఆర్ ఈ కార్యక్రమంలో పాల్గొంటారా? లేదా? అనేది తెలియాల్సి ఉంది.
తెలంగాణ ముఖ్యమంత్రిగా సీఎల్పీ నేత రేవంత్ రెడ్డి రేపు ప్రమాణం చేయనున్నారు. ప్రమాణ స్వీకారం అనంతరం ఆయన దేనిపై తొలి సంతకం చేయనున్నారని ఆసక్తిగా మారింది. కాంగ్రెస్ ప్రకటించిన 6 గ్యారంటీలపై సంతకాలు చేసే అవకాశం ఉన్నట్లు తెలుస్తోంది. ఈ పథకాల అమలుకు దాదాపు రూ.88 వేల కోట్లు అవసరం అవుతాయని అంచనా. సీఎం హోదాలో రేవంత్ ఏ వర్గానికి శుభవార్త చెప్పనున్నారో? రేపటి వరకు వేచి చూడాలి.
తెలంగాణకు కాబోయే సీఎం రేవంత్ రెడ్డి ప్రమాణ స్వీకారోత్సవం సందర్భంగా ఈ పరిణామం చోటు చేసుకుంది. తొలుత ఆయన గురువారం ఉదయం 10.28 గంటలకు ప్రమాణ స్వీకారం చేయాల్సి ఉంది. ఇటీవల ఆ సమయం కాస్త పెరిగింది. గురువారం మధ్యాహ్నం 1.04 గంటలకు రేవంత్ ప్రమాణస్వీకారం చేయనున్నారు. ఈ మేరకు కాంగ్రెస్ వర్గాలు వెల్లడించాయి. ఇందుకోసం హైదరాబాద్లోని ఎల్బీ స్టేడియంలో ఏర్పాట్లు జరుగుతున్నాయి. రాష్ట్ర నలుమూలల నుంచి కాంగ్రెస్ ముఖ్య నేతలు, కార్యకర్తలు ప్రమాణ స్వీకారోత్సవానికి తరలిరానున్నారు.
