|
|
by Suryaa Desk | Tue, Nov 19, 2024, 12:01 PM
హైదరాబాద్ లోని యూసుఫ్ గూడలో గల కోట్ల విజయభాస్కర్ రెడ్డి ఇండోర్ స్టేడియంలో ఆదివారం యూత్ రోలర్ స్కేటింగ్ ఫౌండేషన్ ఆధ్వర్యంలో జరిగిన రోలర్ స్కేటింగ్ పోటీల్లో చేవెళ్ల మండల కేంద్రంలోని వివేకానంద విద్యాసంస్థకు చెందిన 13 మంది విద్యార్థులు గోల్డ్ మెడల్, 7 మంది విద్యార్థులు సిల్వర్ మెడల్, 10 మంది బ్రాంచ్ మెడల్ సాధించి అత్యుత్తమ ప్రతిభ కనబరిచి యూత్ రోలర్ స్కేటింగ్ హైదరాబాద్ రీజన్ మొత్తానికి ఓరల్ ఛాంపియన్ షిప్ లో రెండో స్థానంలో నిలిచారని ఆ విద్యాసంస్థ ప్రిన్సిపాల్ ఓ ప్రకటనలో తెలిపారు. ఈ సందర్భంగా మెడల్స్ సాధించిన విద్యార్థులను సోమవారం వివేకానంద విద్యాసంస్థ చైర్మన్ కొరదాల నరేష్ అభినందించారు. అదేవిధంగా విద్యార్థులు ఈ విధమైన ప్రతిభ కనబరిచేందుకు శిక్షణనిచ్చిన వ్యాయామ ఉపాధ్యాయులను, విద్యార్థుల తల్లిదండ్రులను ప్రత్యేకంగా అభినందించారు. రానున్న రోజుల్లో తమ విద్యాసంస్థ నుంచి దేశం గర్వించదగ్గ క్రీడాకారులను తయారు చేస్తామని చైర్మన్ తెలిపారు.
