|
|
by Suryaa Desk | Tue, Nov 19, 2024, 10:15 PM
కుట్టు మిషన్ శిక్షణ పూర్తి చేసుకున్న 64 మంది మహిళలకు సోమవారం సర్టిఫికెట్లను ప్రధానం చేశారు. మెట్ పల్లి లయన్స్ క్లబ్ ఆధ్వర్యంలో మహిళల కోసం ఉచిత కుట్టుమిషన్ శిక్షణ కేంద్రాన్ని నిర్వహిస్తున్నారు. కేంద్రంలో శిక్షణ పూర్తి చేసుకున్న మహిళలను అభినందిస్తూ అధ్యక్షులు ఇల్లెందుల శ్రీనివాస్ సర్టిఫికెట్లను అందజేశారు. గత ఐదేళ్ల నుంచి శిక్షణ కేంద్రాన్ని నిర్వహిస్తూ ఎంతో మంది మహిళలకు స్వయం ఉపాధి కల్పిస్తున్నామని ఆయన పేర్కొన్నారు. ఈ కార్యక్రమంలో కార్యదర్శి గుండా రాకేష్, క్యాషియర్ నాంపల్లి వేణుగోపాల్, జడ్ సి శంకర్ రెడ్డి, సభ్యులు నరసింహారావు, మర్రి భాస్కర్, బొమ్మెన శంకర్ తదితరులు పాల్గొన్నారు.
