|
|
by Suryaa Desk | Tue, Nov 19, 2024, 10:27 PM
ఇంట్లో భార్యాభర్తలకు గొడవ. మాటా మాటా అనుకున్నారు. భార్యపై కోపంతో హ్యాంగర్‌కు తగిలేసి ఉన్న చొక్కా వేసుకుని.. టేబుల్ మీద ఉన్న బైక్ తాళం తీసుకుని.. చెప్పులేసుకుని బయటకొచ్చి బండి తీశాడు. మనసులో ఉన్న ఆ గొడవ తాలూకు అలజడితో.. మదిలో అందుకు సంబంధించిన ఆలోచనలతో డ్రైవింగ్ చేస్తూ రోడ్డెక్కాడు. ఆ ఏమరపాటులోనే ఎదురుగా వచ్చే వాహనాన్ని చూసుకోకుండా ఢీకొట్టాడు. ఈ ప్రమాదంలో హెల్మెట్ పెట్టుకోకపోవటంతో.. తలకు బలమైన గాయమైంది. ఎదురుగా వస్తున్న వాహనదారుడికీ గాయాలయ్యాయి. ఈ మొత్తానికి కారణం.. ఇంట్లో జరిగిన గొడవ అని.. అందుకే ఇంట్లో గొడవ పడినప్పుడు డ్రైవింగ్ చేయొద్దని హైదరాబాద్‌లోని బేగంపేట ట్రాఫిక్ ఇన్‌స్పెక్టర్ రాంచందర్ తెలిపారు. 'టైమ్స్ ఆఫ్ ఇండియా', 'సమయం తెలుగు' కార్యాలయంలో ట్రాఫిక్ అవేర్ నెస్ కార్యక్రమంలో భాగంగా.. ఇలాంటి ఎన్నో ఇంట్రెస్టింగ్ విషయాలను రాంచందర్, ఆయన సిబ్బంది వివరించారు.
