|
|
by Suryaa Desk | Sat, Nov 08, 2025, 05:08 PM
సినీ నటి రష్మిక మందన్న తన పెళ్లి, కాబోయే భర్త గురించి చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. యంగ్ హీరో విజయ్ దేవరకొండతో నిశ్చితార్థం అయిందని, త్వరలోనే పెళ్లి చేసుకోబోతున్నారని కొంతకాలంగా వార్తలు వస్తున్న నేపథ్యంలో.. తనకు కాబోయే వ్యక్తి ఎలా ఉండాలో రష్మిక మనసులోని మాట బయటపెట్టారు.తాజాగా ఓ చిట్చాట్లో పాల్గొన్న రష్మికకు తన భాగస్వామికి ఉండాల్సిన లక్షణాల గురించి ప్రశ్న ఎదురైంది. దీనికి ఆమె స్పందిస్తూ, "నన్ను పూర్తిగా అర్థం చేసుకునే వ్యక్తిని పెళ్లి చేసుకోవాలనుకుంటున్నాను. నా వైపు నుంచి ప్రతీ విషయాన్ని ఆలోచించాలి. నా పనిని గౌరవించాలి. ఎలాంటి పరిస్థితులనైనా ధైర్యంగా ఎదుర్కొనే వ్యక్తి అయితే బాగుంటుంది" అని తెలిపారు.
Latest News