|
|
by Suryaa Desk | Wed, Jan 29, 2025, 04:19 PM
యువత సామాజిక కార్యక్రమాల్లో ముందుండాలని బెజ్జంకి ఎస్సై జె.కృష్ణారెడ్డి పిలుపునిచ్చారు. మంగళవారం అఖిలభారత యువజన సమాఖ్య 2025 నూతన క్యాలెండర్ను ఆవిష్కరించారు. ఈ సందర్భంగా ఎస్ఐ మాట్లాడుతూ యువత సన్మార్గంలో నడవాలని, డ్రగ్స్, జూదం లాంటి చెడు వ్యసనాలకు దూరంగా ఉండాలన్నారు. సమాజంలో జరుగుతున్నటువంటి మూఢాచారాలను, రుగ్మతల పైన అవినీతి ఆసాంఘిక కార్యకలాపాలను రూపుమాపడానికి యువత ముందుండాలన్నారు.
చెడు వ్యసనాలకు బానిసలుగా మారి జీవితాలను నాశనం చేసుకోవద్దన్నారు. భవిష్యత్తు అంతా యువత చేతిలో ఉందన్నారు. ఈ కార్యక్రమంలో ఏఐఎస్ఎఫ్ సిద్దిపేట జిల్లా అధ్యక్షుడు సంగెం మధు, సిపిఐ మండల కార్యదర్శి బోనగిరి రూపేష్, ఏఐవైఎఫ్ మండల ప్రధాన కార్యదర్శి దొంతర వేణి మహేష్, రోడ్డ కళ్యాణ్, కవుడా గాని తిరుపతి, మల్లారెడ్డి తదితరులు పాల్గొన్నారు.
