|
|
by Suryaa Desk | Thu, May 01, 2025, 04:01 PM
కోర్టు విచారణలకు "ఉద్దేశపూర్వకంగా" గైర్హాజరు అయినందుకు మలైకా అరోరాపై నాన్-బెయిలబుల్ వారెంట్ జారీ చేయవచ్చని ముంబైలోని మెట్రోపాలిటన్ మేజిస్ట్రేట్ కోర్టు హెచ్చరించింది.బాలీవుడ్ ప్రముఖ నటి మలైకా అరోరా తన బోల్డ్, గ్లామరస్ లుక్స్ తో ఎప్పుడూ వార్తల్లో ఉంటుంది. కానీ ఇప్పుడు, మలైకా ఇబ్బందుల్లో చిక్కుకుంది ఓ కేసులో ఆమెకు నాన్ బెయిలబుల్ అరెస్ట్ వారెంట్ జారీ అయ్యే అవకాశముందని తెలుస్తోంది.ఈ కేసు 2012లో ముంబైలోని ఒక ఫైవ్ స్టార్ హోటల్లో జరిగిన గొడవకు సంబంధించినది. ఇందులో దేవర విలన్, ప్రముఖ నటుడు సైఫ్ అలీ ఖాన్, అమృత అరోరా భర్త షకీల్ లడక్, అతని స్నేహితుడు బిలాల్ అమ్రోహి ఉన్నారు. ఇప్పుడు ఈ కేసులో సాక్షిగా హాజరు కావాలని కోర్టు నటి మలైకా అరోరాను కోరింది. సోమవారం ముంబై మేజిస్ట్రేట్ కోర్టు మలైకాకు చివరి అవకాశం ఇచ్చింది. తదుపరి విచారణకు హాజరు కాకపోతే ఆమెపై నాన్-బెయిలబుల్ వారెంట్ జారీ చేయబడుతుందని హెచ్చరించింది. సమన్లు అందినప్పటికీ ఆమె హాజరు కాకపోవడంతో ఏప్రిల్ 08న మలైకాపై కోర్టు బెయిలబుల్ వారెంట్లు జారీ చేసింది. ఈసారి కూడా మలైకా కోర్టుకు హాజరు కాలేదు. ' కేసు ముందుకు సాగకుండా ఉండటానికి ఉద్దేశపూర్వకంగా ప్రయత్నాలు జరుగుతున్నాయని, ఇప్పుడు మలైకా తదుపరి తేదీన హాజరు కాకపోతే కఠిన చర్యలు తీసుకుంటాం. 'ఈ విషయం తెలిసినప్పటికీ, మలైకా హాజరు కాలేదు' అని కోర్టు పేర్కొంది.
Latest News