రాత్రి 9 వరకు ఉస్మానియా వర్సిటీ గేట్లు ఓపెన్.. తీరనున్న ట్రాఫిక్ కష్టాలు
|
|
by Suryaa Desk | Tue, Nov 26, 2024, 10:19 PM
పెట్టుబడులకు డెస్టినేషన్గా మారిన తెలంగాణలోని హైదరాబాద్‌లో ఇన్వెస్ట్ చేసేందుకు ప్రముఖ కంపెనీలు క్యూ కడుతున్నారు. ఈ క్రమంలో.. ఇప్పటికే పెద్ద పెద్ద సంస్థలు హైదరాబాద్‌లో పెట్టుబడులు పెట్టగా.. తాజాగా మరో ప్రముఖ సంస్థ భారీ పెట్టుబడి పెట్టేందుకు ముందుకొచ్చింది. దేశంలో పేరుగాంచిన.. అంబర్- రెసోజెట్ సంస్థ రాష్ట్రంలో భారీ పెట్టుబడి పెట్టేందుకు నిర్ణయించుకుంది. రూ.250 కోట్లతో రాష్ట్రంలో కొత్త తయారీ ప్లాంట్‌ను ఏర్పాటు చేయడానికి ముందుకొచ్చిన ఈ సంస్థ.. ఇప్పటికే రేవంత్ రెడ్డి సర్కార్‌తో ఒప్పందం కూడా కుదుర్చుకుంది.
అయితే.. అంబర్-రెసోజెట్ కంపెనీ.. ఎలక్ట్రానిక్ విడి భాగాల తయారీదారుగా దేశవ్యాప్తంగా ఎంతో పేరుపొందింది. ఏసీలు, వాషింగ్ మెషీన్లు, డిష్ వాషర్లు, పారిశ్రామిక ఎయిర్ కండీషనర్లు వంటి పరికరాలకు ఈ సంస్థ ప్రముఖ ప్రమోట‌ర్‌గా ఉంది. హైదరాబాద్‌ను ఈ పరిశ్రమ కొత్త ప్రాజెక్ట్‌కు డెస్టినేషన్గా ఎంచుకోవడం ప్రత్యేకంగా నిలుస్తోంది. ఈ ప్లాంట్ ఏర్పాటుతో వచ్చే మూడేళ్లలో రూ.250 కోట్ల పెట్టుబడులు పెట్టనున్నట్లు కంపెనీ ప్రతినిధులు వెల్లడించారు.
ఈ సంస్థ ఏర్పాటుతో ప్రత్యక్షంగా వెయ్యి మందికి పైగా ఉద్యోగాలు లభించనున్నాయని ఐటీ, పరిశ్రమల శాఖా మంత్రి దుద్దిళ్ల శ్రీధర్ బాబు తెలిపారు. కంపెనీకి అవసరమైన అన్ని మౌలిక సదుపాయాలను సర్కార్ నుంచి అందిస్తామని మంత్రి తెలిపారు. ఈ ప్రాజెక్టులో భాగంగా అత్యాధునిక ప్రింటెడ్ సర్క్యూట్ బోర్డు (PCB) ఉత్పత్తి కేంద్రం కూడా త్వరలో హైదరాబాద్‌లో ఏర్పాటు కానుందని వెల్లడించారు. వందేభారత్ రైళ్లు, మెట్రో రైళ్లు, డిఫెన్స్ వాహనాలు, పారిశ్రామిక అవసరాలకు అవసరమైన ఎయిర్ కండిషనింగ్ పరికరాల తయారీలో ఈ సంస్థకు ప్రత్యేక స్థానం ఉందని మంత్రి వివరించారు. తెలంగాణ రాష్ట్రానికి ఈ ప్రాజెక్ట్ మరిన్ని పరిశ్రమలను ఆకర్షించే దిశగా ప్రోత్సాహకరంగా నిలుస్తుందని అధికారులు ఆశాభావం వ్యక్తం చేస్తున్నారు.
తెలంగాణకు పెట్టుబడులే లక్ష్యంగా.. సీఎం రేవంత్ రెడ్డితో పాటు పలువురు మంత్రులు ఇప్పటికే రెండు పర్యాయాలు విదేశీ పర్యటన చేపట్టగా.. ప్రముఖ కంపెనీలు పెట్టుబడులు పెట్టేందుకు ముందుకొచ్చిన విషయం తెలిసిందే. అందులో కొన్ని ఇప్పటికే తమ కార్యాకలాపాలను కూడా ప్రారంభించటం విశేషం.
