రాత్రి 9 వరకు ఉస్మానియా వర్సిటీ గేట్లు ఓపెన్.. తీరనున్న ట్రాఫిక్ కష్టాలు
|
|
by Suryaa Desk | Tue, Nov 26, 2024, 10:21 PM
ప్రభుత్వ పనులు, రాజకీయ కార్యక్రమాలతో నిత్యం బిజీగా బిజీగా ఉండే మంత్రి కొండా సురేఖ.. విమర్శలు, వివాదస్పద ఆరోపణలతో విరుచుకుపడటమే కాదు.. ఓ చిన్నారి పట్ల స్పందించిన తీరుతో తన కటువైన మాటల వెనుకు ఓ సున్నితమైన మనసు ఉందని చాటుకున్నారు. మంగళవారం (నవంబర్ 26న) మధ్యాహ్నం సమయంలో పెద్దపల్లి జిల్లాకు వెళ్తున్న మంత్రి మానవత్వాన్ని చాటుకున్నారు. కారులో వెళ్తున్న సమయంలో తల్లిదండ్రులతో కలిసి రోడ్డు పక్కన వెళ్తున్న ఓ చిన్నారి చెప్పులు లేకుండా నడుస్తుండటాన్ని మంత్రి సురేఖ గమనించారు. వాళ్లు బీహార్‌కు చెందిన కూలీలని తెలుసుకున్న.. మంత్రి ఆ బాలిక పరిస్థితి చూసి చలించిపోయారు. వెంటనే సిబ్బందికి చెప్పి కాన్వాయ్ ఆపి.. ఆ చిన్నారిని కారు ఎక్కించుకొని చెప్పుల దుకాణంలోకి తీసుకెళ్లారు. దగ్గరుండి ఆ పాపకి చెప్పులు కొనిచ్చారు. అంతేకాదు.. ఆ చిన్నారి చిరిగిపోయిన డ్రెస్ వేసుకోవటంతో.. బట్టల దుకాణానికి తీసుకెళ్లి.. ఆ పాపకు డ్రెస్సులు కూడా కొనిచ్చారు. ఆ తర్వాత పాపను తల్లిదండ్రులకు అప్పగించారు. ఈ ఘటనకు సంబంధించిన ఫొటోలు, వీడియోలు సోషల్ మీడియాలో వైరల్ అవుతుండగా.. మంత్రి చేసిన పనిని నెటిజన్లు మెచ్చుకుంటున్నారు.
