|
|
by Suryaa Desk | Sun, Nov 24, 2024, 11:32 AM
మానకొండూర్ పోలీసు స్టేషన్ పరిధిలో పోగొట్టుకున్న మొబైల్ ఫోన్లను పోలీసులు గుర్తించి పోగొట్టుకున్న బాధితులకు తిరిగి అప్పగించినట్లు మానకొండూర్ సిఐ కె.లక్ష్మినారాయణ శనివారం తెలిపారు.సిఐ తెలిపిన వివరాల మేరకు..గాజంగి నవీన్,పురం శ్రీకాంత్,దరిపెల్లి రాజు,రోషన్ కుమార్(బీహార్),నెలవేని సాయిరాం,మమ్మద్ సులేఖాన్(ఉత్తర ప్రదేశ్)అనే బాధితులు మొబైల్ ఫోన్ లు పోయినట్లు మానకొండూర్ పోలీస్ స్టేషన్లో ఫిర్యాదు చేశారు.
సిఇఐఆర్ పోర్టల్ ద్వారా మొబైల్ ఫోన్లను ఐఎంఇఐ నంబర్లు బ్లాక్ చేశారు.మొబైల్ ఫోన్ లలో వేరే సిమ్ నంబర్లు వేయడంతో వారి అడ్రస్ ని గుర్తించి రికవరీ చేసి బాధితులకు అప్పగించారు.శనివారం ఆరుగురు బాధితులకు మొబైల్ ఫోన్ లు అప్పగించారు.ఈ ఏడాది మొత్తం 13 మొబైల్ ఫోన్లను గుర్తించి బాధితులకు అప్పగించినట్లు సిఐ కె.లక్ష్మినారాయణ తెలిపారు.ఆయన వెంట సిఇఐఆర్ పోర్టల్ ఆపరేటర్ తిరుపతి ఉన్నారు.
