|
|
by Suryaa Desk | Mon, Nov 25, 2024, 03:20 PM
కార్తీక మాస వనభోజనాలతో ఐక్యత,స్నేహభావం పెంపొందుతుందని శేరిలింగంపల్లి నియోజకవర్గం కాంగ్రెస్ పార్టీ ఇంచార్జ్ వి.జగదీశ్వర్ గౌడ్ అన్నారు. ఆదివారం శేరిలింగంపల్లి నియోజకవర్గం పరిధిలోని కూకట్పల్లి చిత్తారమ్మ దేవాలయంలో ఏర్పాటుచేసిన కూకట్పల్లి కౌండిన్య సేవా సమితి అధ్వర్యంలో ఏర్పాటు చేసిన సామూహిక వనభోజనాల కార్యక్రమంలో నియోజకవర్గ నాయకులతో కలిసి ఆయన పాల్గొన్ని ప్రత్యేక పూజలు నిర్వహించారు.
ఈ సందర్భంగా వారు మాట్లాడుతూ ఒకే చోట చేరి సామూహిక భోజనాలు చేయడం అభినందనీయమని కార్తీకమాస వన భోజనాలు ఐక్యతకు ప్రతీకగా నిలుస్థాయని అన్నారు.ఈ కార్యక్రమంలో శేరిలింగంపల్లి కౌండిన్య సేవా సమితి అధ్యక్షులు లక్ష్మీనారాయణ గౌడ్, గొట్టిముక్కల వెంకటేశ్వర రావు,ఏకాంత్ గౌడ్,యాదగిరి గౌడ్,సుధాకర్ గౌడ్,కరుణాకర్ గౌడ్,శ్రీనివాస్ గౌడ్,పుట్ట వినయ్ కుమార్ గౌడ్,హరినాథ్ గౌడ్,విష్ణు,మహిళా నాయకులు కల్పన ఏకాంత్ గౌడ్,శిరీష సత్తూర్ పాల్గొన్నారు.
