|
|
by Suryaa Desk | Fri, Nov 22, 2024, 03:53 PM
మహబూబాబాద్ జిల్లా, గురువారం రోజున జడ్పిహెచ్ఎస్ బాయ్స్ గూడూరు పాఠశాల యందు, జన విజ్ఞాన వేదిక మండల స్థాయి చెకుముకి టాలెంట్ టెస్ట్ నిర్వహించారు. ఈ పరీక్షకు గూడూరు మండలంలోని ఆరు జిల్లా పరిషత్ హై స్కూల్ విద్యార్థులు, ఆరు రెసిడెన్షియల్ స్కూల్ విద్యార్థులు పాల్గొన్నారు. ఇట్టి కార్యక్రమాన్ని మండల విద్యాధికారి జె. రవి కుమార్ గెజిటెడ్ హెడ్మాస్టర్లు ఎస్ఎ. ఫరూక్, ఎ.సుజాత, బి సదాశివ ప్రారంభించారు.
జిల్లా పరిషత్ హై స్కూల్స్ విభాగంలో జడ్పిహెచ్ఎస్ పొనుగోడు పాఠశాల మొదటి బహుమతి, జడ్పిహెచ్ఎస్ తీగలవేణి పాఠశాల వారు రెండవ బహుమతులు గెలుపొందారు. రెసిడెన్షియల్ పాఠశాలల విభాగంలో టి డబ్ల్యూ యు ఆర్ జె సి బాయ్స్ దామరవంచ పాఠశాల వారు మొదటి బహుమతిని, ఎం జె పి టి వి సి ఐ లవ్ యు ఆర్ ఎస్. (బాలికలు) గూడూరు రెండవ బహుమతులను గెలుపొందారు. మండల స్థాయిలో మొదటి బహుమతులు గెలుపొందిన జడ్పిహెచ్ఎస్. పొనుగోడు పాఠశాల విద్యార్థులు, దామరవంచ పాఠశాల విద్యార్థులు, జిల్లా స్థాయి పోటీలకు 28.11.2024 రోజున మహబూబాబాద్ లో హాజరవ్వాల్సి ఉంటుంది. గెలుపొందిన విద్యార్థులకు మహబూబాబాద్ జిల్లా నూతన డీఈవో.ఎ. రవీందర్ రెడ్డి చేతుల మీదుగా బహుమతులు అందజేయబడ్డాయి.
