సుందరయ్య విజ్ఞాన కేంద్రంలో ఎంసిపిఐ (యు) జాతీయ సెమినార్ ను జయప్రదం చేయండి
|
|
by Suryaa Desk | Fri, Nov 08, 2024, 06:43 PM
చికెన్, మటన్, వెజ్, మిర్చీలు, బజ్జీలు, గారెలు, పిండి వంటలు ఇలా చెప్పుకుంటూ పోతే ప్రతీ వంటకానికి పెనంలో మునిగేలా నూనె ఉండాల్సిందే. ఇళ్లలో నచ్చిన బ్రాండ్ నూనెలు కొని తెచ్చుకుని వండుకుని తృప్తిగా తింటాం. మరి రెస్టారెంట్లు, హోటల్స్, తోపుడు బండ్లు, ఫాస్ట్ ఫుడ్ సెంటర్లలో ఎటువంటి ఆయిల్ వాడుతున్నారో మనకు తెలియదు. కొన్నిచోట్ల వాడిన నూనే మళ్లీ మళ్లీ వాడుతుంటారు. నిబంధనలకు విరుద్ధంగా మళ్లీ మళ్లీ వాడిన నూనెలతో ఆహార పదార్థాలు తయారుచేస్తున్నట్టు ఫుడ్సేఫ్టీ అధికారుల తనిఖీల్లో కూడా గుర్తించారు. ఇలాంటి నూనెలతో తయారైన వంటకాల తింటే గుండె సమస్యలతో పాటు కేన్సర్ వంటి ప్రాణాంతక వ్యాధుల బారినపడే ప్రమాదం ఉంటుంది.
వీటన్నింటికీ చెక్పెట్టేందుకు కేంద్ర ప్రభుత్వ విభాగం ఎఫ్ఎస్ఎస్ఏఐ, జీహెచ్ఎంసీ ఆధ్యర్యంలోని ఫుడ్సేఫ్టీ అధికారులు రంగంలోకి దిగారు. ముందుగా పెద్ద రెస్టారెంట్లలో వినియోగించిన నూనెను ఏజెన్సీల ద్వారా సేకరించి బయో డీజిల్ తయారీ కోసం ఇతర రాష్ట్రాలకుత తరలిస్తున్నారు. దీంతో వాడిన నూనెను మళ్లీ వాడకుండా చెక్ పెట్టడంతో పాటు బయోడీజిల్ ఉత్పత్తి వల్ల పర్యావరణానికి మేలు జరుగుతుందని అధికారులు అంటున్నారు.
హైదరాబాద్ నగరంలో చిన్న హోటల్స్ నుంచి మొదలు ఫైవ్ స్టార్హోటళ్ల వరకు దాదాపు 60 వేలకుపైనే ఉంటాయి. వీటిల్లో 2 వేలకుపైనే పెద్ద రెస్టారెంట్లు ఉండగా.. రోజూ వంద లీటర్లకుపైనే వంట నూనె వినియోగిస్తుంటారు. వంద లీటర్ల నూనెను వంటకాలకు వినియోగిస్తే సుమారు 25 లీటర్లు మిగులు తుందనేది ఒక అంచనా. కానీ, కొన్ని రెస్టారెంట్ల వాడిన ఆయిల్ను స్ట్రీట్ ఫుడ్ వెండర్లు, బజ్జీలు, ఫాస్ట్ఫుడ్ సెంటర్లకు, ప్రైవేట్ ఏజెన్సీలకు అమ్ముతుంటారు. కొందరు డ్రెయిన్లలో పారబోస్తుంటారు. దీనివల్ల అన్ని విధాలుగా నష్టమే. పదేపదే వాడిన ఆయిల్‌తో చేసి వంటకాలను తింటే రోగాలు రావడం, డ్రెయిన్లలో పారబోయడం వల్ల మురుగు ప్రవాహానికి ఆటంకం ఏర్పడుతుంది.
వాడిన నూనెతో ఏర్పడుతున్న సమస్యలకు చెక్పెట్టడానికి ఫుడ్సేఫ్టీ అండ్ స్టాండర్ట్స్ అథారిటీ ఆఫ్ ఇండియా (ఎఫ్ఎస్ఎస్ఏఐ) చర్యలు చేపట్టింది. అందులో భాగంగా రోజూ 50 లీటర్లకు మించి వంట నూనెను ఉపయోగిస్తున్న రెస్టారెంట్లు తప్పనిసరిగా రుకో (రీ యూజ్డ్ కుకింగ్ ఆయిల్)లో రిజిస్ట్రేషన్ చేయించుకోవాలనే నిబంధన విధించింది. తర్వాత అవి వాడిన నూనెను తప్పనిసరిగా రుకో గుర్తింపు పొందిన ఏజెన్సీలకు విక్రయించాల్సి ఉంటుంది.
గ్రేటర్ పరిధిలో రుకో ద్వారా గుర్తింపు పొందిన ఏజెన్సీలతో ఆయిల్ సేకరిస్తున్నారు. ఏడాదిన్నర నుంచి 300పైగా రెస్టారెంట్లలో 210 టన్నులకు పైగా వాడిన నూనెను సేకరించి ఏపీ, తమిళనాడు రాష్ట్రాల్లోని బయో డీజిల్ తయారీ కేంద్రాలకు తరలిస్తున్నారు. రెస్టారెంట్ల నుంచి సేకరించే సమయంలో లీటర్‌కు ఏజెన్సీలు రూ. 40- రూ.45 చెల్లిస్తున్నాయి. వినియోగించిన నూనెకు డబ్బులు రావడంతో పాటు, బయో డీజిల్ వల్ల పర్యావరణానికి మేలు జరిగే అవకాశం ఉంటుంది. అలాగే, స్ట్రీట్ ఫుడ్ వెండర్లకు నూనె అమ్మకం తగ్గడం వల్ల...ఆహార కల్తీకి కొద్దిమేర తగ్గినట్టు అవుతుందని ఫుడ్ సేఫ్టీ అధికారులు పేర్కొన్నారు.
ఎల్బీనగర్, పటాన్‌చెరు ఫుడ్ సేఫ్టీ అధికారులు లక్ష్మీకాంత్, భానుతేజ గౌడ మాట్లాడుతూ.. ‘ఎఫ్ఎస్ఎస్ఏఐ రూల్స్ ప్రకారం 50 లీటర్ల వంట నూనె వాడే ప్రతీ రెస్టారెంట్ ప్రభుత్వం నుంచి రిజిష్టర్ అయిన ఏజెన్సీలకు అమ్మాలి. వాటిని బయోడీజిల్ తయారీకి వినియోగిస్తారు.. సిటీలో కొన్ని రెస్టారెంట్లు మాత్రమే మేం చెప్పిన పద్ధతి అనుసరిస్తున్నాయి. దీనిపై చాలా రెస్టారెంట్ల నిర్వాహకులకు అవగాహన లేదు. వారిలో చైతన్యం తెచ్చేందుకు ప్రయత్నిస్తున్నాం’ అని చెప్పారు.
