'అన్నింటా మోసం.. రైతు భరోసా రూ.15 వేలని చెప్పి రూ.12 వేలు ఇస్తామంటున్నరు
|
|
by Suryaa Desk | Fri, Jan 03, 2025, 06:44 PM
దేశవ్యాప్తంగా సంచలనంగా మారిన సంధ్య థియేటర్ ఘటనలో హీరో అల్లు అర్జున్‌కు భారీ ఊరట లభించింది. డిసెంబర్ 04వ తేదీన పుష్ప-2 ప్రీమియర్ సందర్భంగా హైదరాబాద్ సంధ్య థియేటర్ వద్ద జరిగిన తొక్కిసలాటలో రేవతి అనే మహిళ మరణించగా.. ఆమె కుమారుడు శ్రీతేజ్ కోమాలోకి వెళ్లిన విషయం తెలిసిందే. అయితే.. ఈ ఘటనపై చిక్కడపల్లి పోలీసులు పలు సెక్షన్ల కింద అటు సంధ్య థియేటర్ యాజమాన్యంతో పాటు ఇటు అల్లు అర్జున్‌పై కేసులు నమోదు చేసిన విషయం తెలిసిందే. అయితే.. ఈ కేసులో అల్లు అర్జున్‌ను A11గా పేర్కొన్న పోలీసులు.. అరెస్టు చేసి చంచల్ గూడా జైలుకు తరలించారు. కాగా.. ఇదే ఘటనపై హైకోర్టును ఆశ్రయించగా మొదట మధ్యంతర బెయిల్ మంజూరు చేయగా.. ఆయన జైలు నుంచి విడుదలైన విషయం తెలిసిందే.
కాగా.. మధ్యంతర బెయిల్ గడువు ముగిస్తే.. పోలీసులు మళ్లీ అరెస్ట్ చేసే అవకాశం ఉండటంతో.. అల్లు అర్జున్ రెగ్యులర్ బెయిల్ కోసం నాంపల్లి కోర్టును ఆశ్రయించారు. ఈ పిటిషన్‌పై ఈరోజు (జనవరి 03న) విచారణ జరిపిన న్యాయస్థానం.. అల్లు అర్జున్‌కు షరతులతో కూడిన రెగ్యులర్ బెయిల్ మంజూరు చేసింది. కాగా.. రూ.50 వేలతో పాటు రెండు పూచీకత్తులతో కూడిన బెయిల్‌ను నాంపల్లి కోర్టు మంజూరు చేసింది. మరోవైపు.. ప్రతి ఆదివారం చిక్కడపల్లి పోలీసులు ముందు హాజరుకావాలని ఆదేశించింది.
అయితే.. సంధ్య థియేటర్ తొక్కిసలాట కేసులో అల్లు అర్జున్‌ను చిక్కడపల్లి పోలీసులు డిసెంబర్ 13న నాటకీయ పరిణామాల మధ్య అరెస్ట్ చేసిన విషయం తెలిసిందే. పోలీస్ స్టేషన్‌కు తరలించి విచారణ జరిపిన తర్వాత.. మెడికల్ టెస్టులు చేపించి.. నాంపల్లి కోర్టులో హాజరుపర్చగా.. 14 రోజుల రిమాండ్ విధించింది న్యాయస్థానం. దీంతో.. అల్లు అర్జున్‌ను చంచల్ గూడా జైలుకు తరలించారు. అప్పటికే హైకోర్టులో అల్లు అర్జున్.. తనపై పోలీసులు పెట్టిన కేసులు కొట్టేయాలంటూ హైకోర్టులో క్వాష్ పిటిషన్ దాఖలు చేయగా.. దానిపై విచారణ చేపట్టిన న్యాయస్థానం.. అల్లు అర్జున్‌కు మధ్యంతర బెయిల్‌ను మంజూరు చేసింది. అయితే.. బెయిల్ ఆర్డర్లు రావటం కాస్త ఆలస్యం కావటంతో ఓ రాత్రి మొత్తం అల్లు అర్జున్ జైలులోనే ఉండాల్సి వచ్చింది.
హైకోర్టు ఇచ్చిన మధ్యంతర బెయిల్‌ను రద్దు చేయాలంటూ పోలీసులు కూడా న్యాయస్థానాలను ఆశ్రయించి.. ఎప్పుడెప్పుడు మళ్లీ అల్లు అర్జున్‌ను అరెస్టు చేసి జైలుకు పంపించాలా అని ప్రయత్నాలు చేశారు. ఇదే సమయంలో మధ్యంతర బెయిల్ ముగిశాక మళ్లీ అరెస్ట్ చేసే అవకాశం కూడా ఉండటంతో.. డిసెంబర్ 30న నాంపల్లి కోర్టులో అల్లు అర్జున్ రెగ్యులర్ బెయిల్ పిటిషన్ దాఖలు చేశారు. ఈ పిటిషన్ మీద ఇరువైపులా వాదనలు విన్న న్యాయస్థానం.. మొత్తంగా అల్లు అర్జున్‌కు రెగ్యులర్ బెయిల్ మంజూరు చేస్తూ తీర్పునిచ్చింది. దీంతో.. అల్లు అర్జున్‌కు బిగ్ రిలీఫ్ దక్కినట్టయింది. కోర్టు తీర్పుతో.. ఇక అరెస్ట్ గురించి నో టెన్షన్ అంటూ బన్నీ ఫ్యాన్స్ ఊపిరి పీల్చుకున్నారు.
