'అన్నింటా మోసం.. రైతు భరోసా రూ.15 వేలని చెప్పి రూ.12 వేలు ఇస్తామంటున్నరు
|
|
by Suryaa Desk | Fri, Jan 03, 2025, 06:48 PM
స్కూల్‌కు వెళ్తున్నామని ఇంటి నుంచి వెళ్లిన ముగ్గురు విద్యార్థినులు.. తిరిగి ఇంటికి రాకపోవటం ఇప్పుడు నిజామాబాద్ జిల్లా నవీపేటలో కలకలం సృష్టిస్తోంది. స్థానిక ప్రభుత్వ బాలిక ఉన్న పాఠశాలలో పదో తరగతి చదువుతున్న ముగ్గురు విద్యార్థినులు.. గురువారం (జనవరి 2వ తేదీన) రోజు ముగ్గురు అమ్మాయిలు తమ ఇండ్ల నుంచి బయటకు వెళ్లారు. అయితే.. రోజూ సాయంత్రం కాగానే ఇంటికి వచ్చేసే పిల్లలు.. ఎంత సేపటికీ రాకపోయేసరికి తల్లిదండ్రులకు అనుమానం వచ్చింది. పదో తరగతి కదా.. ఏదైనా స్పెషల్ క్లాసో, స్టడీ అవర్సో పెట్టి ఉంటారని సర్ధి చెప్పుకున్నారు. కానీ.. గంట, రెండు గంటలు ఇలా రాత్రయినా పిల్లలు రాకపోవటంతో.. స్కూల్‌కు వెళ్లి చూశారు. అక్కడ లేకపోవటంతో.. ఆందోళన చెందిన తల్లిదండ్రులు వెంటనే పోలీసులకు ఆశ్రయించారు.
వెంటనే రంగంలోకి దిగిన పోలీసులు.. బృందాలుగా ఏర్పడి పట్టణం మొత్తం జల్లెడ పట్టారు. వాళ్లకు తెలిసిన ప్రదేశాలు, స్నేహితుల ఇండ్లు, బస్టాండ్లు ఇలా అన్ని ప్రాంతాల్లో వెతికారు. అయినా లాభం లేకుండా పోయింది. పట్టణం నుంచి ముగ్గరు కలిసి ఎటైనా వెళ్లారా అన్న అనుమానంతో ముగ్గురి ఫొటోలు, వివరాలను నిజామాబాద్ జిల్లా వ్యాప్తంగా పంపించారు. అర్ధరాత్రి వరకు అన్ని చోట్లలో పోలీసులు గాలింపు చేశారు. ఈ క్రమంలోనే.. ముగ్గురిలో ఓ అమ్మాయి నిజామాబాద్ బస్టాండులో పోలీసుల కంట పడింది.
తెల్లవారుజామున మూడు గంటల సమయంలో నిజామాబాద్ బస్టాండ్‌లో అమ్మాయి కనిపించటంతో.. ఆమెను వెంటనే అదుపులోకి తీసుకుని.. తల్లిదండ్రులకు అప్పగించారు. ఇక.. మిగితా ఇద్దరు విద్యార్థులు ఆచూకీ మాత్రం లభ్యంకాకపోవటం ప్రస్తుతం ఆందోళన కలిగిస్తోంది. అయితే.. ఆ ఇద్దరు అమ్మాయిలు జగిత్యాల వైపు వెళ్లినట్లు పోలీసులకు సమాచారం అందింది. దీంతో.. ఆ మార్గంలో సీసీ ఫుటేజీలు పరిశీలిస్తూ.. పోలీసులు ముమ్మర గాలింపు చర్యలు చేపట్టారు.
అమ్మాయిలు కనిపించకుండా పోవటంతో.. వారి కుటుంబ సభ్యులు తీవ్ర భయాందోళనకు గురవుతున్నారు. విద్యార్థినులు ఎక్కడైనా కనిపిస్తే నవీపేట ఎస్సై (87126 59845), నార్త్‌ రూరల్‌ సీఐ (87156 59843)కి సమాచారం ఇవ్వాలంటూ నవీపేట ఎస్సై వినయ్‌ తెలిపారు.
అయితే.. అసలు ఆ ముగ్గురు విద్యార్థులు స్కూల్‌కు వెళ్లారా.. డైరెక్టుగా ఎటైనా వెళ్లాలనుకున్నారా..? మరి ముగ్గురిలో ఒక అమ్మాయి మాత్రం నిజామాబాద్ బస్టాండ్‌లో ఎలా దొరికింది..? మిగతా ఇద్దరు ఎక్కడికి వెళ్లారు..? ఎక్కడికైనా వెళ్లారా.. ఎవరైనా కిడ్నాప్ చేశారా.. అన్న అనుమానాలు వ్యక్తమవుతున్నాయి. బస్టాండులో దొరికిన అమ్మాయి ద్వారా.. వివరాలు రాబట్టే ప్రయత్నాలు చేస్తున్నారు. మరోవైపు.. సీసీ ఫుటేజీని కూడా పరిశీలిస్తున్నారు.
