|
|
by Suryaa Desk | Tue, Jan 14, 2025, 08:57 PM
బీఆర్ఎస్ ఎమ్మెల్సీ కల్వకుంట్ల కవిత నివాసంలో సంక్రాంతి సంబురాలు ఘనంగా నిర్వహించారు. కుటుంబ సభ్యుల మధ్య సంక్రాంతి వేడుకలను కవిత ఎంతో సంతోషంగా జరుపుకున్నారు. కవిత స్వయంగా ముగ్గులు వేసి.. గొబ్బెమ్మలు పెట్టి.. పాలుపొంగించారు. తెలుగు సంప్రదాయం ఉట్టిపడేలా కవిత తన కుటుంబ సభ్యులతో కలిసి వేడుకలు జరుపుకున్నారు. ఈ సందర్భంగా.. రాష్ట్ర ప్రజలందరికీ సంక్రాంతి శుభకాంక్షలు తెలిపారు. రాష్ట్ర ప్రజలు, రైతాంగం పాడిపంటలు, సిరి సంపదలు, సుఖ సంతోషాలతో ఉండాలని ఈ సందర్భంగా ఆమె కోరుకున్నారు. ఈ నేపథ్యంలోనే.. ట్విట్టర్ వేదికగా తన నివాసంలో వేసిన ముగ్గులు, పూజలు నిర్వహించిన ఫోటోలను కవిత షేర్ చేసుకున్నారు.
