|
|
by Suryaa Desk | Wed, Jan 01, 2025, 03:27 PM
కేసీఆర్ నాయకత్వంలో పార్టీ మరిన్ని విజయాలు అందుకోవాలని, ప్రజల ఆశీస్సులు తిరిగి పూర్తిస్థాయిలో పొందాలని, కొత్త సంవత్సరంలో మనకు ఎదురయ్యే అడ్డంకులు ఎదుర్కొనే శక్తిని ఆ భగవంతుడు ఇవ్వాలని ఆకాంక్షిస్తున్నానని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. నూతన సంవత్సరం నేపథ్యంలో ఆయన ఈరోజు తెలంగాణ భవన్‌కు వచ్చారు. పార్టీ క్యాలెండర్‌ను ఆవిష్కరించారు.ఈ సందర్భంగా పార్టీ నాయకులను, కార్యకర్తలను ఉద్దేశించి ఆయన మాట్లాడుతూ... కేసీఆర్ చావు నోట్లో త‌ల‌పెట్టి తెలంగాణ సాధించిన నాయ‌కుడు అన్నారు. మ‌నంద‌రం మనస్ఫూర్తిగా కాంక్షిస్తున్న‌ది ఒక్కటేనని... కేసీఆర్ తిరిగి రాష్ట్రానికి సీఎం కావాల‌నే ఒకే ఒక్క కోరికతో గ‌ట్టిగా ప‌ని చేస్తున్నామన్నారు.ఈ ప్రయాణంలో మనకు ఎదురయ్యే అడ్డంకులు ఎదుర్కొనే శక్తి భగవంతుడు అందరికీ ప్రసాదించాలని పేర్కొన్నారు. అందరూ వారి వారి కుటుంబాలతో సంతోషంగా ఉండాలని ఆకాంక్షించారు. కులమతాలకు అతీతంగా, ఎలాంటి ఇబ్బంది లేకుండా ఈ దేశం, రాష్ట్రం ప్రశాంతంగా ఉండాలని మనస్ఫూర్తిగా ఆకాంక్షిస్తున్నానని కేటీఆర్ పేర్కొన్నారు
